జూక్ బాక్స్ లో నవదీప్ లవ్ మౌళి
- లవ్ మౌళిగా వస్తున్న నవదీప్
(వాయిస్ ఆఫ్ భారత్) టాలెంటెడ్‌ యాక్టర్‌ నవదీప్ కొంత విరామం తర్వాత ’లవ్, మౌళి’ గా సరికొత్తగా ప్రేక్షకులను పలకరించ బోతున్నారు. విభిన్నమైన, వైవిధ్యమైన ఈ చిత్రానికి అవనీంద్ర దర్శకుడు. నైరా క్రియేషన్స్‌, శ్రీకర స్టూడియోస్‌ బ్యానర్స్‌తో కలిసి సి స్పేస్‌ ఈ చిత్రాన్ని నిర్మిస్తోంది. ఇప్పటికే ఈ సినిమా నుంచి రిలీజైన నవదీప్ లుక్‌తో పాటు ’ద యాంథమ్‌ ఆఫ్ లవ్ మౌళి’ సాంగ్‌ మంచి స్పందనను రాబట్టుకుని సినిమాపై భారీగా అంచనాలను పెంచేశాయి. తాజాగా ఈ చిత్ర ఆడియో జూక్ బాక్స్‌ని మాస్‌ మహారాజా రవితేజ ట్విట్టర్‌ ద్వారా విడుదల చేసి చిత్రయూనిట్‌కు అభినందనలు తెలిపారు. హైదరాబాద్‌లో జరిగిన ఓ ఈవెంట్‌లో ఈ చిత్ర పాటలను వినూత్నంగా విడుదల చేశారు. ఈ సినిమాలోని పాటలను ఎవరైతే పాడారో.. వారితోనే ఆ పాటను ఈ ఈవెంట్‌లో పాడిరచి.. అదే పాటను వారిచేతే విడుదల చేయించారు. అనంతరం పాటలన్నీ కలిపి ఉన్న జూక్‌బాక్స్‌ని స్టార్‌ హీరో రవితేజ సోషల్‌ విూడియా వేదికగా విడుదల చేశారు. రవితేజ నటించిన ’ఈగల్‌’ చిత్రంలో నవదీప్ ఓ కీలక పాత్రలో నటించిన విషయం తెలిసిందే. ’ఈగల్‌’ ట్రైలర్‌ చూస్తుంటే.. నవదీప్ పాత్రకు ఈ చిత్రంలో చాలా ప్రాముఖ్యత ఉందనేది అర్థమవుతోంది. ’లవ్ ,మౌళి’ సినిమాలోని పాటలను ఇలా వినూత్నంగా విడుదల చేయడం.. అలాగే మాస్‌ రాజా రవితేజ జూక్ బాక్స్ విడుదల చేయడం చాలా సంతోషాన్నిచ్చిందని హీరో నవదీప్ అన్నారు. సరికొత్త చిత్రంతో రాబోతున్నానని నవదీప్ తెలిపారు. ఇంకా ఈ చిత్రానికి పనిచేసిన నటీనటులు, సాంకేతిక నిపుణులు ఈ పాటల విడుదల కార్యక్రమంలో పాల్గొన్నారు.
