Supreme Court Stay/లోక్‌పాల్‌ ఉత్తర్వులపై సుప్రీం కోర్టు స్టే
వాయిస్ ఆఫ్ భారత్ : హైకోర్టు న్యాయమూర్తులను విచారించే హక్కు తమకు ఉందంటూ లోక్‌పాల్‌ జారీ చేసిన ఉత్తర్వులపై గురువారం సుప్రీం కోర్టు స్టే విధించింది. ఈ ఉత్తర్వులు న్యాయవ్యవస్థకు హాని కలిగించేలా ఉన్నాయని సుప్రీం పేర్కొంది. దీనిపై కేంద్ర ప్రభుత్వం, లోక్‌పాల్‌ కార్యాలయం, ఫిర్యాదుదారుడికి నోటీసులు జారీ చేసింది. మహారాష్ట్రలోని ఒక అదనపు జిల్లా జడ్జి, హైకోర్టు జడ్జిపై, ప్రైవేట్‌ కంపెనీ ఫిర్యాదుదారుపై దాఖలైన ఫిర్యాదును ఆ కంపెనీకి అనుకూలంగా మార్చేలా ప్రభావితం చేశారని ఆరోపణలు వచ్చాయి. ఈ ఆరోపణలపై రెండు ఫిర్యాదులు నమోదయ్యాయి. వాటిపై విచారణ చేపట్టే అధికారం తమకు ఉందంటూ లోక్‌పాల్‌ ఉత్తర్వులు జారీ చేసింది. అంతకుముందు, సంబంధిత హైకోర్టు జడ్జి బార్‌ కౌన్సిల్‌లో న్యాయవాదిగా ప్రాక్టీస్‌ చేస్తున్న సమయంలో ప్రైవేట్‌ కంపెనీ ఫిర్యాదుదారుగా ఉన్నట్లు ఆరోపణలు వచ్చాయి. ఈ నేపథ్యంలో ఈ రెండు ఫిర్యాదులలో రిజిస్ట్రీలో నమోదైన వివరాలు, సంబంధిత మెటీరియల్‌ను సుప్రీం కోర్టు ప్రధాన న్యాయమూర్తికి పరిశీలన కోసం పంపాలని లోక్‌పాల్‌ ఆదేశాలు జారీ చేసింది.
