Voice of Bharath: Your Trusted Source for Comprehensive News Coverage!

వాయిస్ ఆఫ్ భారత్, ప్రత్యేక ప్రతినిధి : ఛాంపియన్స్ ట్రోఫీ 2025 లో మరో ఆసక్తికర పోరకు వేదిక సిద్ధమైంది. ఈ ప్రతిష్ఠాత్మక టోర్నమెంట్‌లో అగ్రశ్రేణి జట్లు ఆస్ట్రేలియా – ఇంగ్లాండ్ హోరాహోరీగా తలపడుతున్నాయి. లాహోర్‌లోని గదాఫీ స్టేడియం ఈ కీలక మ్యాచ్‌కు వేదికగా మారింది. గెలిచి ముందడుగు వేయాలని ఇరు జట్లు పట్టుదలతో ఉన్నాయి. అయితే, టాస్ సమయంలో ఊహించని ఘటన చోటు చేసుకుంది. సాధారణంగా ఆట ప్రారంభానికి ముందు, మైదానంలో ఉన్న ఆటగాళ్లు తమ దేశ జాతీయ గీతాన్ని ఆలపించడం సంప్రదాయం. బ్యాక్‌గ్రౌండ్‌లో ఆయా దేశాల జాతీయ గీతాలు ప్లే చేస్తారు. కానీ, ఈ మ్యాచ్‌లో భారత జాతీయ గీతాన్ని పొరపాటున ప్లే చేశారు. మొదట ఇంగ్లాండ్ జాతీయ గీతాన్ని ప్లే చేసిన నిర్వాహకులు, ఆ తర్వాత పొరపాటుగా భారత జాతీయ గీతాన్ని ప్లే చేశారు. అయితే, వెంటనే ఇది గమనించిన వారు ఆస్ట్రేలియా జాతీయ గీతాన్ని ప్లే చేశారు. ఈ సంఘటనకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. నెటిజన్లు “పాక్ గడ్డపై భారత జాతీయ గీతం” అంటూ ఆసక్తికర కామెంట్లు చేస్తున్నారు.

మ్యాచ్ విశేషాలు..

టాస్‌లో గెలిచిన ఆస్ట్రేలియా జట్టు బౌలింగ్ ఎంచుకుంది, దీంతో ఇంగ్లాండ్ బ్యాటింగ్ చేపట్టింది. 11 ఓవర్ల ముగిసే సరికి ఇంగ్లాండ్ 2 వికెట్లు కోల్పోయి 81 పరుగులు చేసింది.