RAHUL/కాంగ్రెస్ కు సమర్థ నాయకత్వం అనివార్యం
రాహుల్‌ గాంధీ ఛరిష్మా విఫలం
లోక్‌సభలో ప్రజా సమస్యలపై నిలబడలేకపోవడం
కోటరీని మార్చడం అవసరం
ప్రజా సమస్యలపై అధ్యయనం చేయాలి
అన్ని సమస్యలపై పోరాట పంథా అవలంబించాలి
ప్రజల్లో నమ్మకం కలిగించడానికి కృషి చేయాలి
గుర్రం ఎంత వేగంగా పరుగెడగలిగినప్పటికీ రౌతు సరిగా లేకుంటే అది కుంటుతూ నడుస్తుందని సామెత. ప్రస్తుతం కాంగ్రెస్ పార్టీ పరిస్థితి కూడా అంతే. కాంగ్రెస్‌కు సమర్థ నాయకత్వం లోపించడం ప్రధాన సమస్య. ఈ లోపాన్ని అధిగమించేందుకు రాహుల్‌ గాంధీ పెద్దగా ప్రయత్నం చేయడం లేదు. ఆయన ఛరిష్మా పని చేయకపోవడం, గత పార్లమెంట్‌ ఎన్నికల్లో ప్రతిపక్ష హోదా కూడా పొందలేకపోవడం ప్రజలకి నిరాశ కలిగించింది. ఈసారి ప్రజలు కాంగ్రెస్‌ను ప్రతిపక్షంగా ఆమోదించినా, రాహుల్‌ గాంధీకి దేశ సమస్యలపై అవగాహన లేకపోవడం కాంగ్రెస్ బలహీనతగా మారింది.
వాయిస్ ఆఫ్ భారత్, ప్రత్యేక ప్రతినిధి –
లోక్‌సభలో విపక్ష నేత సమర్థుడైతే అధికార పక్షం తగిన చురక పట్టి పాలన మెరుగుపరుస్తుంది. కానీ రాహుల్‌ తన నాయకత్వ లక్షణాలను నిరూపించుకోలేకపోతున్నారు. కాంగ్రెస్ ఆలోచన కూడా స్పష్టంగా కనిపించడం లేదు. మోడీ మరింత బలోపేతం కావడానికి కారణం విపక్షం సమర్థంగా వ్యవహరించకపోవడమే. ఇండియా కూటమి పేరుతో ఏర్పడిన కూటమి విభేదాలతో సతమతమవుతోంది. ఆప్‌ పార్టీ కాంగ్రెస్‌తో పొసగడం లేదు, మమతా బెనర్జీకి కాంగ్రెస్ అంగీకారం లేదు. విపక్ష నేతకు అన్ని పార్టీలను కలుపుకుపోవాలి, కానీ రాహుల్‌ ఆ గుణం ప్రదర్శించడంలేదు.
మారుతున్న పరిణామాలు..
ప్రాంతీయ పార్టీల విషయానికొస్తే, కుటుంబ రాజకీయం, నేతల అహంకారం, అప్పుల పాలన కారణంగా తెలుగు రాష్ట్రాల్లో కేసీఆర్‌, జగన్‌ ప్రభుత్వాలు ఆర్థికంగా దివాళా తీసిన పరిస్థితి. ప్రజలు ఈ విధానాలను గమనిస్తున్నారు. ఈ రెండు రాష్ట్రాల్లో నాయకత్వ పక్షపాతం ప్రజలను దూరం చేసింది. కర్నాటకలో దేవెగౌడ, కుమారస్వామిల జేడీఎస్‌ ఇప్పుడు బీజేపీ తోక పార్టీలోకి మారింది. ఢిల్లీ ఎన్నికల్లో ఆప్‌ కూడా ప్రజల సంతృప్తిని పొందలేకపోయింది.
ఇంకా పశ్చిమ బెంగాల్‌లో తృణమూల్‌ కాంగ్రెస్, బిహార్‌లో జేడీయూ కూడా ఈ తరహా సమస్యలను ఎదుర్కొనే అవకాశముంది. గతంలో యూపీఏ కూటమి అధికారంలో ఉన్నప్పుడు అవినీతి కేసులతో ప్రజల్లో విమర్శలు ఎదుర్కొన్న కాంగ్రెస్, ఆ తర్వాత కేజ్రీవాల్‌ అవినీతి వ్యతిరేక ప్రచారంతో ఎదిగి, ఆమే అవినీతికి లోనవడంతో ప్రజల నమ్మకాన్ని కోల్పోయాడు.
సమర్థమైన నాయకత్వం అవసరం..
నిత్యావసర ధరల పెరుగుదల, నిరుద్యోగం, జీఎస్టీ సమస్యలను పట్టించుకోకపోవడంతో ప్రజలు మళ్లీ కాంగ్రెస్‌కు అవకాశమిచ్చారు. ఉత్తరాది రాష్ట్రాల్లో బీజేపీకి అనుకూల పరిస్థితులు ఉన్నా, కాంగ్రెస్ ప్రతిపక్ష హోదా పొందడం బీజేపీకి భయాందోళనలు కలిగిస్తోంది. ఈ పరిస్థితులు కాంగ్రెస్ బలాన్ని పెంచేందుకు ఉపయోగపడుతాయి, కానీ సమర్థమైన నాయకత్వం అవసరం.
కోటరీ మార్పు అనివార్యత..
రాహుల్‌ గాంధీ సమర్థ నాయకుడిగా ఎదగాలంటే తన చుట్టూ ఉన్న కోటరీని మార్చాలి. ప్రజా సమస్యలపై అధ్యయనం చేసి పోరాడాలి. ప్రతి సమస్యపై ముందుకెళ్లి ప్రజల కోసం నిలబడాలి. ప్రజల్లో నమ్మకం కలిగించడానికి పోరాట పంథాను మార్చుకోవాలి. కాంగ్రెస్ పునాది సుస్థిరం కావాలంటే ఈ పోరాటం అవసరం.
రాహుల్‌ గాంధీకి ఈ సమర్థ పోరాటం చేయగల సామర్థ్యం ఉందా లేదా అన్నది ఆయన చూపించే ధృఢసంకల్పంతో మాత్రమే తెలుస్తుంది. కానీ సమర్థ నాయకత్వం తక్షణమే అవసరం.
