యశోదలో అరుదైన గుండె శస్త్రచికిత్స
వాయిస్ ఆఫ్ భారత్, హనుమకొండ : మృత్యువు అంచుల వరకు వెళ్లిన వరంగల్‌కు చెందిన రోగి భద్రుకు, యశోద హాస్పిటల్స్ (సికింద్రాబాద్)కు చెందిన ప్రఖ్యాత సీటీసీఎస్ సర్జన్ డా.విశాల్ బృందం అరుదైన, అత్యంత సంక్లిష్టమైన గుండె శస్త్రచికిత్స చేసి కొత్త జీవితాన్ని ప్రసాదించింది. శస్త్రచికిత్స విజయవంతం కావడంతో ఒకప్పుడు మంచం నుంచి కదల్లేని స్థితిలో ఉన్న భద్రు, ఇప్పుడు ఉల్లాసంగా తన వ్యవసాయ పనులు చేసుకుంటున్నారు. వరంగల్‌ జిల్లా నెక్కొండకు చెందిన భద్రు తీవ్రంగా శ్వాస ఆడకపోవడం, పల్పిటేషన్ వంటి గుండె వైఫల్య లక్షణాలతో డాక్టర్ విశాల్‌ను సంప్రదించారు. అతని పరిస్థితి ఎంత తీవ్రంగా ఉందంటే, అతను బాత్రూమ్‌కు కూడా వెళ్లలేని స్థితిలో ఉన్నాడు. గుండె స్కాన్, ఎంఆర్ఐ వంటి అత్యాధునిక పరీక్షలలో డాక్టర్ విశాల్ బృందం ఒక అరుదైన, ప్రమాదకరమైన సమస్యను గుర్తించింది. బృహద్ధమని కవాటం (Aortic Valve) లీకవడం, గుండె కండరాలలోకి బృహద్ధమని చీలిపోవం జరిగింది. డాక్టర్ విశాల్ మాటల ప్రకారం “సాధారణంగా బృహద్ధమని గుండె గదిలోకి చీలిపోతుంది. కానీ, గుండె కండరాలలోకి చీలిపోవడం అనేది ప్రపంచంలోనే చాలా అరుదైన కేసు, రోగి చాలా తీవ్రమైన స్థితిలో ఉన్నాడు.” ఈ అసాధారణ చీలిక కారణంగానే భద్రుకు గుండె వైఫల్యం వచ్చింది. రోగి బంధువులకు పరిస్థితి తీవ్రతను, ప్రమాదాన్ని వివరించిన తర్వాత, డాక్టర్ విశాల్ బృందం ఎంతో ప్రయత్నంతో శస్త్రచికిత్సను చేపట్టింది. ఈ కేసులో లీక్ అయిన గుండె కవాటాన్ని మార్చారు. గుండె కండరాలలో ఏర్పడిన చీలికను గుండెకు మధ్య ఉన్న సంబంధాన్ని విజయవంతంగా మూసివేశారు. శస్త్రచికిత్స తర్వాత భద్రు చాలా బాగా కోలుకున్నారు. “మరణిస్తున్న ఒక రోగి ఒక ఆశతో మా వద్దకు వచ్చాడు. మేము ఎంతో ప్రయత్నించాము, ఈ రోజు దానికి ఫలితం ఉంది. అతను ఇప్పుడు తన వ్యవసాయ పనులు చేసుకుంటూ కష్టపడి పనిచేస్తున్నాడు,” అని డాక్టర్ విశాల్ సంతోషం వ్యక్తం చేశారు. ఈ కేసును డాక్టర్ విశాల్ అరుదైన వైద్య విజయంగా అభివర్ణించారు. ఇది ప్రపంచంలోనే చాలా అరుదైన, బృహద్ధమని కండరాలలోకి చీలిక జరిగిన కేసును జాగ్రత్తగా ప్లాన్ చేసి, సంక్లిష్టమైన విధానాలను అనుసరించడం ద్వారా బృందం అద్భుతమైన ఫలితం సాధించింది. యశోద హాస్పిటల్ (సికింద్రాబాద్) అన్ని రకాల సంక్లిష్టమైన గుండె కేసులను అత్యుత్తమ ఫలితాలతో చేయగల సామర్థ్యాన్ని ఈ కేసు నిరూపించిందని డాక్టర్ విశాల్ తెలిపారు. యశోద హాస్పిటల్స్ (సికింద్రాబాద్) గుండె, ఊపిరితిత్తుల మార్పిడి వంటి సంక్లిష్టమైన చికిత్సలలో కూడా మంచి ఫలితాలను అందిస్తుందని ఈ సందర్భంగా వారు పేర్కొన్నారు.
